Наташа Петрушева

Движете ја фотографијата во било кој правец за целосно да ја погледнете панорамата од пчеларникот.

Јас сум Наташа Петрушева, родена на 03.02.1984 г. во Пробиштип, каде што и живеам до моментов.

Со пчеларство почнав да се занимавам од 2017 г., откако ја завршив, по препорака на брат ми, Обуката за млади пчелари од Брегалничкиот регион, која што е во склоп на „Програмата за зачувување на природата во Македонија” – фаза 2 од Проектот на швајцарската агенција за развој и соработка. Во моментов располагам со еден стационарен пчеларник, кој што се наоѓа во атарот на с. Бунеш од 690 м.н.в. Од пчеларникот претежно вадиме мешан мед, од ливадски и планински.

Засега на пчеларникот работиме заедно со мојот сопруг и сме посветени на проширување и претворање на истиот во наша основна дејност.

Би им препорачала на сите да ги сакаат пчелите, бидејќи тие  се во основата на животот и се многу важни за зачувување на човештвото и природата.